Blerja kryesore/themelore. Sipas kontekstit mund ta gjesh edhe si Vlera kryesore/ themelore

Duke kërkuar ndjesë që po ndërhyj, por duke u nisur gjithnjë nga premisa e dashurisë për fjalën, mbase do të ishte mirë të bënim edhe disa sqarime të natyrës juridike.

Representations and warranties, në përgjithësi iu referohen të metave të objektit të kontratës;

Të metat *cenet i ndajmë, në ‘të meta të dukshme’ dhe ‘të meta të fshehta’.
Gjithçka lidhet me të metat e fshehta, pasi për të metat e dukshme (ato që dallohen me sy të lirë, kuptohen menjëherë), përgjegjësinë e mban blerësi. Blerësi mban përgjegjësi edhe atëherë kur nuk i ka njohur të metat “për faj të vet” (të dukshmet).

Kurse të metat e fshehta i ndajmë në të meta të fshehta në keqbesim dhe të meta të fshehta në mirëbesim.

Të metat e fshehta në keqbesim, janë ato të meta, për të cilat shitësi ka qenë në dijeni që në krye të herës ose nuk mund të mos kishte pasur dijeni, DHE nuk ia ka bërë të ditur blerësit, kurse të metat e fshehta në mirëbesim, janë ato të meta për të cilat AS shitësi nuk ka pasur dijeni.

Pra, nëse unë do ta përktheja këtë shprehje ‘representations and warranties’ do ta përktheja ‘përgjegjësia për të metat në keqbesim dhe për të metat në mirëbesim të objektit të kontratës’. (ky do të ishtë përkthimi më i përafërt).

Përgjegjësia për të metat në keqbesim (representation) është përgjegjësi ekskluzive e shitësit. (E drejta e bleresit nuk bie në dekadencë)

Përgjegjësia për të metat në mirëbesim (warranty) është e përbashkët (njëfarësoj), që do të thotë, kontrata vijon të zbatohet, por shitësi është i detyruar të plotësojë/riparojë/dëmshpërblejë. (e drejta e bleresit bie ne dekadence)

Në këtë kuptim, të gjitha kushtet kontraktore që i referohen ‘representations and warranties’ kanë lidhje me objektin e kontratës. Pra, përkthimi: ‘objekti i kontratës’ (blerja/sendi/shërbimi, objekt i kontratës).

Disclaimer: Shpjegimi bëhet mbi bazën e një fragmenti të vogël (duhej të mbështetej në më shumë informacion...)


--------------------------------------------------
Note added at 20 days (2020-08-23 13:06:01 GMT) Post-grading
--------------------------------------------------

E di që këtë mbase nuk do ta lexojë ndonjë që di edhe polonisht, por për çdo rast po e shkruaj. Në polonisht, do të ishte: “rękojmia za wady” (w złej wierze i w dobrzej wierze) :)